O Partido Popular de Vilagarcía reclama ao goberno local que explique de forma urxente se existe ou non intención de abrir a rúa Jorge Rodríguez Padín cara á Avenida de Cambados, no barrio do Freixo, en Vilaxoán.
📄 O grupo municipal do PP, a través da súa portavoz Ana Granja, lembra que o pasado 4 de xullo presentaron un escrito no Concello preguntando expresamente por esta cuestión. “A falta de transparencia do goberno socialista de Varela é constante”, denuncia.
😠 A preocupación entre os veciños aumentou tras o derrubo dun antigo alxibe situado ao final da rúa, o que fixo soar as alarmas sobre unha posible reapertura do acceso, pechado hai máis de 50 anos por motivos de seguridade tras varios atropelos.
📝 Mentres o Concello segue sen contestar, os veciños xa iniciaron unha recollida de sinaturas para amosar o seu rexeitamento, e desde o PP din apoiar “unha preocupación lexítima”. Granja acusa ao executivo de incoherencia: “Falan de peonalizacións no centro, pero poderían abrir ao tráfico unha rúa residencial sen planificación nin diálogo”.
📢 Por iso, o PP esixe explicacións públicas e insta a que calquera proxecto se acorde co vecindario antes de executalo: “A tranquilidade dos veciños debe estar por riba de calquera ocorrencia política”.
📌 Ademais, lembran que o goberno de Varela xa tivo que rectificar no proxecto de Veiga do Mar, que continúa sen proxecto definitivo coñecido.
