🔴 𝐎 𝐏𝐏 𝐃𝐀 𝐈𝐋𝐋𝐀 𝐃𝐄 𝐀𝐑𝐎𝐔𝐒𝐀 𝐄𝐒𝐈𝐗𝐄 𝐀 𝐏𝐀𝐑𝐀𝐋𝐈𝐙𝐀𝐂𝐈𝐎́𝐍 𝐈𝐌𝐄𝐃𝐈𝐀𝐓𝐀 𝐃𝐀𝐒 𝐌𝐔𝐋𝐓𝐀𝐒 𝐃𝐄 𝐓𝐑𝐀́𝐅𝐈𝐂𝐎 𝐍𝐀𝐒 𝐙𝐎𝐍𝐀𝐒 𝐑𝐄𝐒𝐓𝐑𝐈𝐍𝐗𝐈𝐃𝐀𝐒 🚗⛔

 🔴 𝐀 𝐏𝐏 𝐃𝐀 𝐈𝐋𝐋𝐀 𝐃𝐄 𝐀𝐑𝐎𝐔𝐒𝐀 𝐄𝐗𝐈𝐗𝐄 𝐏𝐀𝐑𝐀𝐋𝐈𝐙𝐀𝐑 𝐃𝐄 𝐗𝐄𝐈𝐓𝐎 𝐈𝐌𝐄𝐃𝐈𝐀𝐓𝐎 𝐀𝐒 𝐌𝐔𝐋𝐓𝐀𝐒 𝐃𝐄 𝐓𝐑𝐀́𝐅𝐈𝐂𝐎 𝐍𝐀𝐒 𝐙𝐎𝐍𝐀𝐒 𝐑𝐄𝐒𝐓𝐑𝐈𝐍𝐗𝐈𝐃𝐀𝐒

🔴 O grupo municipal do PP da Illa de Arousa vén de demandar a paralización inmediata da imposición de multas de tráfico pola circulación nas zonas restrinxidas da vila, ao abeiro da normativa aprobada o pasado ano polo bipartito, debido ás numerosas eivas e erros detectados na súa xestión. Paralelamente, os populares solicitan a creación dunha oficina de asesoramento xurídico con atención gratuíta para os veciños afectados.

🔴 Estas dúas peticións serán debatidas nun pleno extraordinario solicitado polo PP, ao que ten dereito como forza maioritaria da corporación, e que se celebrará este xoves 12 de febreiro ás 13.00 horas. “Non podemos quedar impasibles ante a desfeita e os prexuízos que están a sufrir os arousáns na xestión das sancións de tráfico por parte do bipartito e loxicamente temos que defender os seus dereitos e trasladar as súas peticións ante a pechazón do goberno”, explicou o voceiro municipal, 𝐌𝐚𝐭𝐢́𝐚𝐬 𝐂𝐚𝐧̃𝐨́𝐧.

🔴 Neste senso, o PP illeño revelou que son moitos os veciños que están a recibir multas de xeito irregular e erróneo por circular polas zonas restrinxidas aos residentes, uns problemas que —segundo lembran— foron admitidos polo propio rexedor no pleno do pasado mes de xaneiro, ao recoñecer que se están a interpoñer sancións por bailar unha letra ou un número na matrícula.

🔴 “Máis alá de que non estamos de acordo con esta bunkerización da vila, que durante dez meses só serve para causarlles problemas aos veciños e darlle a puntilla aos negocios, cremos que non é admisible que o propio alcalde e o goberno admitan que o sistema non funciona e que non pase nada”, sinalou 𝐌𝐚𝐭𝐢́𝐚𝐬 𝐂𝐚𝐧̃𝐨́𝐧, quen criticou que os lectores de matrículas non estean a cumprir correctamente a súa función.

🔴 O edil popular tamén reprochou que esta situación se estea a resolver de maneira individual pola Policía Local ou polo propio alcalde cada vez que un veciño acode a reclamar ao Concello, mentres outros afectados optan por pagar sancións interpostas indebidamente para evitar os trámites administrativos e os custes dunha xestoría.

🔴 Por todo iso, desde o PP demandan que, do mesmo xeito que noutros ámbitos dos servizos municipais, se habilite unha oficina de asesoramento xurídico con atención gratuíta para que os veciños poidan reclamar sen custe e evitar o pago de multas indebidas.

🔴 Finalmente, 𝐌𝐚𝐭𝐢́𝐚𝐬 𝐂𝐚𝐧̃𝐨́𝐧 instou ao bipartito a que, se a súa intención é manter este sistema de tráfico baseado nas restricións, polo menos proceda á paralización das multas ata que as infraestruturas de control funcionen axeitadamente e non se sancione de xeito erróneo aos veciños.