🔴 🔴 𝐘𝐈𝐇𝐀𝐃𝐈𝐒𝐓𝐀 𝐃𝐄𝐓𝐈𝐃𝐎 𝐄𝐍 𝐑𝐈𝐁𝐀𝐃𝐔𝐌𝐈𝐀 𝐏𝐎𝐋𝐀 𝐏𝐎𝐋𝐈𝐂𝐈́𝐀 𝐍𝐀𝐂𝐈𝐎𝐍𝐀𝐋

🔴 A Policía Nacional detivo a un home de arredor de 30 anos en Ribadumia, nun operativo coordinado pola Audiencia Nacional, acusado de actividades vinculadas ao yihadismo.

🔴 O investigado residía nunha vivenda alugada na parroquia de Sisán, que mesmo subarrendaba para pasar desapercibido.

🔴 As autoridades indican que difundía e consumía contido violento de carácter terrorista a través de internet, sendo obxecto de seguimento nos últimos meses por risco de radicalización.

🔴 Durante o rexistro incautáronse dispositivos informáticos que serán analizados polos especialistas para determinar a magnitude das súas accións.

🔴 De orixe palestina, o detido foi trasladado a Madrid para quedar á disposición da Audiencia Nacional, que decidirá se ordena prisión provisional.

🔴 A investigación subliña que existía un risco elevado de vinculación con extremismo violento, motivo polo cal a operación se levou a cabo con máxima discreción.