🔴 𝐎 𝐁𝐍𝐆 𝐑𝐄𝐂𝐋𝐀𝐌𝐀 𝐔𝐍𝐇𝐀 𝐑𝐄𝐕𝐈𝐒𝐈Ó𝐍 𝐔𝐑𝐗𝐄𝐍𝐓𝐄 𝐃𝐎 𝐏𝐀𝐑𝐐𝐔𝐄 𝐌Ó𝐁𝐈𝐋 𝐌𝐔𝐍𝐈𝐂𝐈𝐏𝐀𝐋 𝐓𝐑𝐀𝐒 𝐎 𝐀𝐂𝐂𝐈𝐃𝐄𝐍𝐓𝐄 𝐃𝐔𝐍 𝐂𝐀𝐌𝐈Ó𝐍 𝐄𝐍 𝐒𝐀𝐍𝐗𝐄𝐍𝐗𝐎

🔴 O grupo municipal do 𝐁𝐍𝐆 en Sanxenxo vén de rexistrar unha solicitude formal para que o Goberno local acometa unha revisión exhaustiva de todos os vehículos do parque móbil municipal, tras o accidente sufrido por un camión do Concello en Nantes debido, segundo as primeiras investigacións, a un fallo mecánico no sistema de freada.

🔴 No sinistro resultaron feridos dous traballadores municipais, un deles con necesidade de atención hospitalaria. Desde o Bloque trasladan os seus desexos de pronta recuperación e subliñan que é responsabilidade do Executivo garantir condicións seguras ao persoal.

🔴 Os nacionalistas lembran que o vehículo afectado conta con preto de 20 anos de antigüidade e instan ao alcalde, 𝐓𝐞𝐥𝐦𝐨 𝐌𝐚𝐫𝐭í𝐧, a estudar fórmulas rendibles para renovar a flota, como o leasing, tendo en conta a elevada carga de traballo que soportan estes automóbiles e a falta de renovación nos últimos anos.

🔴 Ademais, o BNG critica que a prioridade nas políticas de obras e “formigón” estea a ir en detrimento dos recursos materiais e humanos do Concello, advertindo dunha precarización das condicións laborais e dunha insuficiencia de efectivos en servizos clave como o de Emerxencias.