🔴 𝐀 𝐆𝐀𝐑𝐃𝐀 𝐂𝐈𝐕𝐈𝐋 𝐃𝐄𝐒𝐀𝐑𝐓𝐈𝐂𝐔𝐋𝐀 𝐔𝐍𝐀 𝐓𝐑𝐀𝐌𝐀 𝐃𝐄 𝐄𝐗𝐏𝐋𝐎𝐓𝐀𝐂𝐈𝐎́𝐍 𝐋𝐀𝐁𝐎𝐑𝐀𝐋 𝐄𝐍 𝐋𝐎𝐂𝐀𝐈𝐒 𝐃𝐄 𝐇𝐎𝐒𝐓𝐄𝐋𝐄𝐑𝐈́𝐀 𝐃𝐀 𝐏𝐑𝐎𝐕𝐈𝐍𝐂𝐈𝐀

🔴 A investigación iniciouse a raíz da denuncia presentada por un ex traballador, que puxo en coñecemento das autoridades a situación de explotación laboral que sufrira, así como a existencia doutras persoas na mesma situación, non só no local onde el prestara servizo, senón tamén noutros establecementos da provincia.

🔴 No marco da denominada Operación BUGONIA, levada a cabo polo Equipo de Policía Xudicial da Garda Civil con base en Cambados (Pontevedra), conseguiuse identificar ao presunto autor de delitos contra os dereitos dos traballadores e ameazas, feitos que se produciron en varios locais situados nos concellos de Barro, Cuntis e A Estrada.

🔴 O investigado, un home de 53 anos, veciño de Cuntis e con antecedentes policiais de características semellantes, captaba ás vítimas a través de páxinas web de emprego, ofrecéndolles contrato de traballo, un soldo acorde ao horario, aloxamento e outras facilades para acceder ao posto.

🔴 Porén, unha vez que as vítimas se desprazaban á provincia, eran obrigadas a traballar durante toda a xornada, sendo trasladadas de local en local para cubrir diferentes quendas en establecementos propiedade da mesma persoa. Ao remate do día, eran retornadas ao lugar onde pernoctaban, situado na parte superior dun dos locais.

🔴 Na recta final da investigación realizáronse de maneira simultánea varias inspeccións administrativas en todos os establecementos implicados, o que permitiu localizar a máis persoas que estaban a ser explotadas. Como resultado da operación, identificáronse un total de 11 vítimas en locais de hostalería.

🔴 Nas inspeccións participaron tamén efectivos da Patrulla Fiscal da Compañía de Cambados, así como persoal da Inspección de Traballo e Seguridade Social, dependente do Ministerio de Traballo e Economía Social. A operación BUGONIA está dirixida polo Xulgado de Primeira Instancia e Instrución de Caldas de Reis