🔴 𝐂𝐀𝐋𝐃𝐀𝐒 𝐃𝐄 𝐑𝐄𝐈𝐒 𝐀𝐕𝐀𝐍𝐙𝐀 𝐍𝐀 𝐃𝐄𝐏𝐔𝐑𝐀𝐂𝐈𝐎́𝐍 𝐃𝐎 𝐅𝐈𝐄𝐈𝐓𝐎𝐒𝐎 𝐂𝐔𝐍𝐇𝐀 𝐈𝐍𝐕𝐄𝐒𝐓𝐈𝐌𝐄𝐍𝐓𝐎 𝐃𝐄 𝟐𝟕𝟎.𝟎𝟎𝟎 𝐄𝐔𝐑𝐎𝐒 🚧💧

🔴 O alcalde de Caldas de Reis, 𝐉𝐚𝐜𝐨𝐛𝐨 𝐏𝐞́𝐫𝐞𝐳, visitou este martes as obras da futura Estación Depuradora de Augas Residuais (EDAR) do Fieitoso, na parroquia de Carracedo, unha infraestrutura clave para o saneamento do rural.

🔴 O proxecto conta cun orzamento de 270.302,75 euros, financiado con fondos propios municipais procedentes do remanente de tesourería de 2024, e ten un prazo de execución estimado de tres meses, polo que o Concello prevé que poida estar en funcionamento no inicio do segundo semestre de 2026.

🔴 A nova EDAR dará servizo a máis de medio milleiro de veciños e veciñas dos lugares de Cortiñas, Casalderrique, O Gorgullón e o propio Fieitoso, e inclúe tamén actuacións complementarias como pavimentación e asfaltado da contorna.

🔴 Segundo explicou 𝐉𝐚𝐜𝐨𝐛𝐨 𝐏𝐞́𝐫𝐞𝐳, esta actuación supón “un paso moi importante” na mellora dos servizos básicos no rural, destacando que desde a súa chegada á Alcaldía o investimento neste ámbito supera o millón de euros, con proxectos en marcha en varias parroquias como Godos, Saiar ou San Clemente.

🔴 O rexedor incidiu en que estas intervencións buscan garantir a expansión da rede de saneamento e mellorar a calidade de vida da veciñanza, ao tempo que avanzou que o Goberno local prepara novas actuacións para dar resposta ás demandas das parroquias rurais.