🔴 𝗩𝗜𝗟𝗔𝗚𝗔𝗥𝗖Í𝗔 𝗜𝗡𝗩𝗜𝗥𝗧𝗘 𝗖𝗔𝗦𝗘 𝟭𝟮.𝟬𝟬𝟬 𝗘𝗨𝗥𝗢𝗦 𝗣𝗔𝗥𝗔 𝗘𝗩𝗜𝗧𝗔𝗥 𝗙𝗨𝗥𝗧𝗢𝗦 𝗡𝗔 𝗕𝗜𝗕𝗟𝗜𝗢𝗧𝗘𝗖𝗔 𝗠𝗨𝗡𝗜𝗖𝗜𝗣𝗔𝗟

🔴 O Concello de Vilagarcía investirá 11.983,24 euros, case 12.000 euros, na instalación dun sistema antifurto na Biblioteca Pública Municipal co obxectivo de evitar o furto de libros, CD e outros materiais municipais. A medida parte dun informe do director da biblioteca, quen considera necesario reforzar a protección dos fondos e garantir que a saída dos exemplares se realice exclusivamente a través do servizo oficial de préstamo. 📚

🔴 No informe, o director explica que os sistemas antifurto “axudan a protexer e preservar os bens municipais que a biblioteca alberga”, sinalando que a instalación de arcos de seguridade e etiquetas RFID pretende previr o roubo ocasional e evitar a perda de fondos públicos.

🔴 O novo sistema estará baseado na tecnoloxía RFID, que ademais de activar a alarma cando un material saia sen autorizar, permitirá axilizar os préstamos e devolucións, mellorar o control do inventario e incorporar un contador automático de usuarios para a elaboración das estatísticas anuais.

🔴 A actuación foi aprobada pola Xunta de Goberno Local do pasado 29 de xuño, que adxudicou o contrato á empresa Identification Care, S.L. (IDCARE) por un importe total de 11.983,24 euros, IVE incluído.

#vilagarcía #biblioteca #cultura #seguridade #arousa